Tantara taloha (Rak Roots)

Ary ilay tamin’ny Taloha e
Tadidinareo daholo ve ireny ?
Ary ilay tamin’ny Taloha
Ilay mbola midongy amin’i Dada sy Neny

‘Tsika lesy ilay tamin’ny Taloha
mbola ilay mifaninana manao kanety
Dia nanomboka bebe lamaody
Pataloha miborotsaka sy kaskety

Mino aho fa tsy mba ho hadinon’ialahy
Ilay nahitan’ialahy an’i madama
Tanaty kasikasy kapoka
Ilay ianareo tsy hita dia izahay nihanahana

Ary ilay tamin’ny taloha letsy isika
Ilay mampaneno sonnerie
Dia mitsoaka dia lasa dia tamin’izany tena hoe falifaly ery!

Ary tadidin’ialahy ve?
Tsika ilay manao arafanenjika … (Ndriii !!)
‘Zao letsy ny eritreritra ndray no manenjika

27 de boka e, boka e, bonbon ny loka e
Alefaso Tom Sawyer jerena, Lucky Luke Mbola tsisy Facebook

I Neny koa nanome toky, mamboly voky tsy mamboly voky
Tena hoe Fiadanana !
Sady nankafy letsy no niadana
Raosi-jamba o! Raosi-jamba ! Raha mahita ianao ô

Tantara Taloha e,
Tantaraina rehefa reraka
Tantara Taloha e,
Mampanembonembona ny efa fahiny e
Tantara Taloha e,
Tiako foana atao ambetin-dresaka
Satria tiako ny fahazazana, tiako ny fahatanorana

Tamin’izany letsy tsika natao irakiraka
Zao ndray ilay fitadiavana mahazaka maniraka
Zao lesy ilay hoe kriizy mafy e
Tsy ohatran’ny rehefa krisimasy e
Ilay mbola domadoma kely
Miandry fanomezana amin’i dadabe noely

Izay tsy mikipy tsy asiako ô
Zay tsy milahatra vaky atody
Ohatry ny hoe vao omaly tadidiko
Raha tsy maizina ny andro tsy mahalala mody

Mbola variana mifanenjika
Tsy mba mahalala lera
Alibaba, Alibaba ,Polisy sa volera?
Ary ilay nanomboka nisy fitiavana
Dia tsy nahinan-kanina … Taiza?

Ilay tao am-pianarana
Hoe I anona egale i anona
Tamin’izany mba Faly ery, rehefa voatonona ny anaranay
Ao anaty lalaon’ireo tovovavy ireo chapeau de paille

Vive les amoureux! Tantara taloha e
Averina ao moa e, ilay Tantara taloha e

Tantara Taloha e,
Tantaraina rehefa reraka
Tantara Taloha e,
Mampanembonembona ny efa fahiny e
Tantara Taloha e,
Tiako foana atao ambetin-dresaka
Satria tiako ny fahazazana, tiako ny fahatanorana

…Indrisy moa efa taloha e
Ary ny tantaranao ?
--------