Ranomasina (Hery RALAINARIVO (Lapé))

RANOMASINA
Lapé (Hery Ralainarivo)

Dobodoboka horakoraka
Injany heno manako
Manambara f’efa akaiky izao
’Lay ranomasimbe
Onja avo manatelina raha tsy mitandrina
Koa mahaiza ianao miala
Fa sao lasany any.


Injany, injany onja manonjanonja
Mifafifafy toy ny ranonorana
Mitambolombolona eny amin’ny harambato
Mifoaka mafy tsy miato.



Ranomasina io anie
Sady soa no fahavalo
Ao no misy ny harena
Ao mety mampimalo
Fatratra jerena
Tsy misy farany
Ranomasina mivembena
Sy torapasika.

Injany, injany onja manonjanonja
Mifafifafy toy ny ranonorana
Mitambolombolona eny amin’ny harambato
Mifoaka mafy tsy miato.
--------