Ny fahitana anao (Bodo)

Iriko foana ny hahita Anao
Hitoetra eo anilako
Hanao ireo teny mamy fanaonao
No ilaiko hoheno rahateo.

Kanefa izaho toa tsy izaho intaony
Noho ny fahitako Anao
Toa analany,toa ampitomboiny
Omeny toetra vaovao.

     Fa izay rehetra nokendreko
     manjary adinoko avokoa,
     Ianao no masaka ao an-doha
    Toa tsy mahita izay jereko
     Ireto masoko ankiroa
     fa jamba aminao tokoa
     Ny sisa azoko atao, dia ny manankina aminao
    ny androm-piainako hatrizao.

Indraindray aho toa alaim-panahy
Hisara-dalana aminao
Ny ato am-poko anefa dia mandà
Fa efa babo tsotr'izao

Izay manintona aminao tsy haiko
Fa reko fotsiny amin’izao
Angamba koa tena efa voa ny saiko
Noho ny fahitana Anao.

     Fa izay rehetra nokendreko
     Manjary hadinoko avokoa
     Ianao no masaka ao an-droha
     Fa tsy mahita izay jereko
     ireto masoko ankiroa
     fa jamba aminao tokoa
     Ny sisa azoko atao, dia ny manankina aminao
     ny androm-piainako hatrizao.

     Fa izay rehetra ....
--------