FAKAMPANAHY (Vahatra)

Matetika tonga ny fakampanahy
Manintona hatrany ireo zazalahy
Andositra foana amin'ny fianarany ô ô
Hingitrika lava tsy misy farany

Tanteraka mantsy ny sitra-po
Ka hingitrika foana no ao andoha
Fa ny mahita ny fiainana tsara hatrany ô ô
Ny lafatra rehetra eto ambonin'ny tany

Ao ny mivazo amin'ny gitara
Ao ny manandrana ny mbola voarara
Ao reo karazan-doka tsy mety ho vita ô ô
tsy fantatra intsony na revy na ditra

Misy karazany ireo kilalao
Ka samy mifidy izay tiany atao
Izay drodroka moa
Dia mahazo maka aina
Fa rehefa sitra-po tsisy ankitaraina

Izay mbola mazoto manohy ny revy
Mifoka migoka , mivezivezy
Tsy ferana intsony ny rediredy
Satria ny any ivelany tsy misy bedy

Fa hiakatra rehefa avy ni-balady
Ka ny excuse dia hoe malady
Tsy maintsy ampiasaina ny fikafika
Alohan'ny hanaovana matematika

Kanefa ry lahy toa tsy noheverina
Ny tody tsy misy fa ny atao no miverina ô
Fa ho avy ilay faran'ny taona malala ô ô
Ahitana ny ho faly sy ny ho lasa adala

Tandremo ry nama
Ny atao sao manody
Fa ny hadalana tsy hitondra fanafody
Hanandratra antsika , hampiakatra antsika
Hitamberina ao antsaina reo heloka vita

Matetika tonga ...
--------