Tsy ho haiko (Tselonina)

Tsy ho haiko ny hamadika ny lasa
Ny habakaba iny aza efa nahita
Ny volana nitazana olon-droa hafa
Ny anilako eo tsy ilay fahiny

Tsy ho haiko ny hanaraka ny momba
Ka hilaza aminao anie Ra-Vero
Mahatsiaro an’i Rasoa no mahatonga
Izao izao ka tsy miteny

Ity misy maraina iraisantsika
Mahita anie aho hariva tsy mitsiky
Harivan’olon-tokana any ho any
Angamba hoy aho hariva mitomany

Tsy ho haiko mahalasa saina ihany
Fahatsiaroavana hatsipiko toa fako
Hatsipiko eny irano haverin’ny onja
Hatsipiko an-tanety haverin’ny ako

Ity misy maraina iraisantsika
Mahita anie aho hariva tsy mitsiky
Harivan’olon-tokana any ho any
Angamba hoy aho hariva mitomany
--------