Taniko manjelatra (Thina A.)

(Nalaina tao amin'ny tononkira.serasera.org)
Dia variana teny mantsy ireto masoko ankiroa
Nitazan-davitra ny vokatry ny tara-danitra tery
Nosokajiako hampanjopiaka irony vatosoa
‘Ngiran’ito taratr’andro avy ety ambony ety

Moa tsy vozon-jazavavy voaravaky ny rojo
Ilay tany notemerin-tafo jelatry ny masoandro
Toa tsy andriko aho ho tonga, vita dia ka ho tojo
Iry akany mamy loatra, tanindrazako io, kinanjo

Io ilay Madagasikara tany mamy tsy mba foy
Ilaozako androany fa rahampitso itomaniana
Iantsoako anao namako, asandrato sy koloy
Lovantsika, tanindrazana, fireneko tena tiana

Ao ny hareny marobe, mampirehitra hambom-po
Ireo karazam-boninkazo sy ireo hazo sarobidy
Ireo biby tsy fahita firy, volamena, vatosoa
Zahantany reharehan’ito firenena voafidy

Io ilay Madagasikara tany mamy tsy mba foy
Ilaozako androany fa rahampitso itomaniana
Iantsoako anao namako, asandrato sy koloy
Lovantsika, tanindrazana, fireneko tena tiana
--------
Rohy:
Hametraka hevitra
Midira aloha
Momba ny hira
Mpihira : Thina A.
Vangy : 1170
Mpankafy : 0 Ankafizo
Nampiditra : ikalamako
Daty : 02/07/2020 23:33
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0528