Tsiaro anao (Njakatiana)

Mahatsiaro anao foana aho
Ry ilay tiako lavitra ahy
Ny ato ampoko toa misaona,
Lasa saina mahatsiahy.

   Mahatsiaro anao foana aho
   Ry tsy foiko sy lalaiko
   Mba maniry ny hihaona
   Aminao ry sombinaiko

Fiv: Mba satriko e! ny hitoetra anilanao
      Hamihina anao raha azo atao
      Hankamamy ilay fitia, ilay fitia,
      Tiako mba haharitra doria !

Nefa indrisy nofy izany,
Eritreritro ihany
Ry tsy foiko lavitra any
Mba iantrao ’ty fo tomany

Fiv.

   Indro alefako hiampita
   Amin-kira izay kaloiko
   Mino aho fa ho tafita
   Aminao ny vetsom-poko ...
--------