Meteza ianao (Njakatiana)

(Nalaina tao amin'ny tononkira.serasera.org)
Meteza ianao hahatsiaro
Na ny andro lasa efa maro...
Tsaroanao ve ilay fiarahantsika,
Tsaroanao ve ilay hasambarantsika...
Meteza ianao hahatsiaro
Na ny andro lasa efa maro.

Tadidinao ve ireny hadalana ireny,
Tena tianao ve ny nataoko anao tamin’ireny ?
Na izaho na ianao, dia nety izay natao.

Indray andro tokoa moa
No sendra nahitako dolan’olondroa
Hay rafiko sy ianao
Ny foko tamin’izay voaratranao
Diso ianao, nahatonga ilay fo hifandao.

Embona foana ny ahy raha toa ka mba hikalo
Dia ianao foana, ianao tsy ho fahavalo ;
Angamba izay no lahatra
F’izaho no tsy mbola zatra.

Indray andro tokoa moa,
No sendra nahitako dolan’olondroa
Hay ianao sy ilay rafiko
Ny foko tamin’izay voaratranao
Diso ianao, nahatonga ilay fo hifandao.
(Izaho koa diso e !)
Indray andro tokoa moa,
No sendra nahitanao dolan’olondroa
Hay izaho sy ilay rafinao
Ny fonao tamin’izay voaratra koa
Diso aho, nahatonga ilay fo hifandao.
--------
Rohy:
Hametraka hevitra
Midira aloha
Momba ny hira
Mpihira : Njakatiana
Vangy : 5085
Mpankafy : 1 Ankafizo
Nampiditra : DR
Daty : 15/01/2003 20:46
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1269