ALEO MANGINA (Narisoa)

(Nalaina tao amin'ny tononkira.serasera.org)
Mafy angaha ny manadino ny fitiavako
Ho mila ho isan’andro izao ny taratasinao
Mafy angaha ny adin-tsainao fa sara-tiana
Toa reko izao fa fijaliana ny fiainanao
               Hivavaka aho mba ho anao
               Hanampy anao raha azo atao
               Hitady izay hisolo ahy, hiadananao
               Tsy handatsa akory sanatria no nanaovako ity hira ity
               Fa ny alahelo anao nandao kanefa ho toina izao

Isika anie tsy noterena raha niara-dia
Niala ianao, dia tanteraho fa zonao
Izany ianao vao hiainga teto tsaroako ery
Ilay fihetsikao mizahozaho fa hoe handao
               Lasa ianao fa tsy hofefena
               Fitia tsy azo ifanerena
               Soa fa rava ny amintsika fa hay lalao
               Tsy halozana sanatria no nanoratako ity
               Fa ny hahatsiarovako ny lasa teo anilanao

Aza asiana teny intsony raha ny amiko
Izay mahasoa ny fiainanao izay atao
Ampy angamba ny hilazako izao teny izao
Tsy misy anjaranao intsony ny fitiavako
               Fa hivavaka aho mba ho anao
               Hanampy anao raha azo atao
               Ho tojo iray izay tena soa sahaza anao
               Tsy haneso akory sanatria no nanaovako ity hira ity
               Fa ny hahafantaranao mazava ny ao am-poko ao

                        ( modulation +1 ton )

Niala ianao tsy noterena fa sitrakao
Tsy misy filazana akory izay hisy anao
Dia nino ary aho fa efa nisy handray anao
Izao anefa, tonga ianao hifona indray
               Tsy ankizy aho ka hilalao, hilalao fitiavana aminao
               Mbola averiko eto indray : foiko ianao
               Aoka koa mba tsy ho tsiny
               Ny tsy hamaliako anao intsony
               Matoa nariana dia tsy tiana
               Aleo mangina
                
--------
Rohy:
Hametraka hevitra
Midira aloha
Momba ny hira
Mpihira : Narisoa
Vangy : 6767
Mpankafy : 0 Ankafizo
Nampiditra : RAZAFINDRANAIVO Harilala
Daty : 23/09/2003 10:05
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1059