KIVARIVARY (Levelo)

(Nalaina tao amin'ny tononkira.serasera.org)
Variana variana ery e! ny ankizy etsy an-tokotany
Manangona vovoka anaty kapoaka hilalao kivarivary
Tanisatanisa indray e! Na mampiady karajia e!
Manoko fanorona vato ara-dimy doboka aponga tany

Ketrika nongo tsy doran’afo ô!(2)
Eo am-piandrasana samy revo an!(2)
Fa nahoana ho’aho e!
Efa nahazatra ny mpianakavy
Ny andro tsy hiasana hialana voly e!
Hitan’ny ankizy ka mba nataony e!
Tsikononkonona tokantrano
Rindrim-boafefina volontara
Fifampifehezana misimisy a !

Dia tao ireo somebiseby e!
Namahy ilay oronan-tsihy e!
Ny akalan-jareo moa dia vato kilônjo
natao faribolana io
Tsy nisy hono ny bakoly e!
Na dinety avy any am-pita e!
Fa ravin’ambiaty no solon-dovian’ny zanaky ny be lamba

Nahilikilika ny maloto ô !(2)
Tahon’atsoro natao borosy e!(2)
Tena marina io e!
Zavatra hiainana an-davanandro
Tsisy tsy vitany an-kilalao e!
Kivadivady aza moa nataony e!
Daka diamanga mamelon-jafy e!
Votom-piafiana toa tena izy e!
Mikiry mitady mba manantena
--------
Rohy:
Hametraka hevitra
Midira aloha
Momba ny hira
Mpihira : Levelo
Vangy : 12333
Mpankafy : 0 Ankafizo
Nampiditra : R.T
Daty : 19/11/2002 09:25
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0114