Jerijereo (Julien Rassmann)

Veloma masìna e, ry masoandro mody
Veloma ry vorona misodisody
Veloma amin’ireo lavitra any
Raha mahita anareo e, mba manina ihany

Veloma masìna hamonjy  ny akany
Fa izay hanadino asakasany izany
Malahelo ny fo, fenofeno tomany
Raha mahita anareo e, mba manina ihany

O mba - mba jerijereo re
Fa sao - fa sao resin-tory
Hifandao e, hifandao re
Kanefa - tsy hadino akory

Veloma masìna e, mandrapihaona
Raha hamaky ny rano, hanitsy ny havoana
Toneo re ny fony raha mila hisendaotra
Fa izay tapak’elatra tsy afa-manoatra

O mba - mba jerijereo re
Fa sao - fa sao resin-tory
Hifandao e, hifandao re
Kanefa - tsy ho hadino akory

Veloma masìna e, veloma masìna
Veloma masìna amin’ireo olon-tiana
Veloma masìna, veloma indrindra
Ny vatana saraka e, ny fo tsy mifindra

Mba - mba jerijereo re
Fa sao - fa sao resin-tory
Mba - mba jerijereo re
Ampitao - ampitao izany feo
Mba, mba jerijereo re
Fa sao - fa sao resin-tory
Mba jerijereo re, ampitao izany feo
Mba jerijereo, ampitao izany feo
--------