AZA ATOSITOSIKA (Hery Rabenjarison)

Tsaroako tsara ny adim-piainako
Tamin’ny andro ratsy teo aloha
Ianao mba nitokisako aza
Nanindrona antsy avy ao ivoho
Sanatria ny vava kosa anefa raha
Ny hanao andolom-po
Tsy misy tsiny ka tsy misy tsiny ry sakaizako ô

Tsy afaka ato antsaiko mantsy
Ilay masoko nanganohano
Ny asa mba natolotra ahy tamin'reny
Tena asam-borozano
Ianao mba sefo tamin’ny orinasa fa
Nandosindositra ity vasa
Tsy misy tsiny ka tsy misy tsiny ingahy sefo ô

Aza atositosika hono hoe ny ondry botry fa tsy fantatrao
Fa ny ho avy sy ny ampitso mbola ankamantatra
Aza atositosika , aza atositosika …
Fa ny ho avy sy ny ampitso mbola ankamantatra

Ny olona mba nitoerana, mafy koa ny nentintsika
Ny ambavafo marary nefa dia nomeny vary mangatsiaka
Raha olonkafa tsy maninona ,
Raha toa manao tsinontsinona
Tsy misy tsiny ka tsy misy tsiny rahavako ô

Nisy koa madama iray izay, nanendrikendrika ahy nangalatra
Dia mbola hisy fitsarana f’aza maika ary amin’izay tsy maintsy ho fantatra
Tsy misy diso tsy hivarina ,
Dia hibaribary teo ny marina
Tsy misy tsiny ka tsy misy tsiny madama ô

Aza atositosika …


Tsaroako tsara ianao ry fahantrana nangiroka tsy azo ialana
Kanefa raha any marina no atao, lasa ianao fa tsy tamana
Ireo izay namingavinga, no nanolotra ny ampinga
Tsy misy tsiny ka tsy misy tsiny re rey olona ô

Aza atositosika …
--------