FO MADIO (FEON'IFIALOFANA)

(Nalaina tao amin'ny tononkira.serasera.org)
FO MADIO
Raha hihatsara ivelan-tsihy ô !
Moa ve mba fantatrao fa :
Mamitaka ny hafa
Izato teny maminao, nefa :
Ozona sy fanesoana
No anatin’ny fonao
Izy babon’ilay tsiky
Tsy mahatsapa akory
Ny ao anatinao
Fa anio Jesosy tia,
Te-hanadio Anao
Ka ho fo feno fitia
No hovoleny anatinao ka :
Fo madio malemy fanahy
Fo mitsotra tsy manda
Fo madio mahitsy koa
Fo mahay manisy soa
Raha hihatsara ivelan-tsihy ô !
Moa ve mba fantatrao fa :
Mamitaka ny Tompo
Izato toriteninao, nefa :
Fosafosa fiandaniana
No mameno ny andronao
Mitari-bato vilam-bava
Toa manohitra Ilay fivavakao
Fa anio Jesosy tia,
Te-hanadio Anao
Ka ho fo feno fitia
No hovoleny anatinao ka :
Fo madio malemy fanahy
Fo mitsotra tsy manda
Fo madio mahitsy koa
Fo mahay manisy soa
A/C : Rina RAJAONARISON F.T.
--------
Rohy:
Hametraka hevitra
Midira aloha
Momba ny hira
Mpihira : FEON'IFIALOFANA
Vangy : 304
Mpankafy : 0 Ankafizo
Nampiditra : ampandrana
Daty : 19/09/2022 20:21
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.341