Ny Fitiavako anao (Felaniary)

Nahoana moa isika roa no dia voatery hiteny hoe « tiako ianao »
Nefa mifankafantatra ao am-po
Nahoana koa no rehefa tonga ny fotoana toy izao
Vao holazaiko NY FITIAVAKO ANAO

Tsy ho voalazako an-teny fohy rah any fitiavako anao
Tsy ho ampy izao fankalazana izao
Manomboka izao raha sitrakao, izaho ho anao mandrakizay
Ny momba antsika ankinina amin-dRay

Satriko ho ren’izao tontolo izao
Raha NY FITIAVAKO ANAO
Saingy efa ampy ahy, ho ahy irery
Ny bitsiky ny masonao mijery

Nahoana moa isika roa no dia voatery hiteny hoe « tiako ianao »
Nefa mifankafantatra ao am-po
Saingy ny androany, hafa ihany
Tiako ho ren’izao rehetra izao
Ny mari-pitiavako anao

Nahoana moa no dia voatery hifanolotra ny peratra
F’efa ela no nivoady tao am-po
Saingy ny androany, hafa ihany
Tiako ho ren’izao tontolo izao
Ny mari-pitiavako anao

Satriko ho ren’izao tontolo izao
Raha NY FITIAVAKO ANAO
Saingy efa ampy ahy, ho ahy irery
Ny bitsiky ny masonao mijery

Nahoana moa isika roa no dia voatery hiteny hoe « tiako ianao »
Nefa mifankafantatra ao am-po
Saingy ny androany, hafa ihany
Tiako ho ren’izao rehetra izao
Ny mari-pitiavako anao
--------