HAFATRA (Bodo)

Iny zandriko iny akia mahita ahy nalahelo
Dia novinaniany akia ny tao am-poko tao
Tsy nisy nahalala akia ilay tsiambaratelo
Saingy fantatro izy fa tsy maintsy hahita anao

Tsy aritro mihitsy akia ny tsy hanafatra azy
Nobitsihiko izy hiteny hoe tiako be ianao
Nitsikiany fotsiny aho fa hoe mamazivazy
K’asa raha voarainao izao hafatro izao

Fa ahitako anao daholo izay lalovako
Ny rahona eny an-danitra aza maka ny endrikao
Tsy misy nanombinana ny fahatsiarovko
Mafy izany manina kanefa akory atao

Ny vorona misioka toa milaza anarana
Anarana toa fantatro, hay moa anaranao
Toa eo am-pela-tànako ny fahasambarana
Tsy misy ambara intsony akia f’izay no vaovao

Ilay mpitondra hafatra iny akia, mbola zaza ihany
Mety ho saro-kenatra izy na varian-dalao
Tsy azoko vinany akia izay mba teniny any
Tokana ny marina: tiako be ianao

Raha sanatria akia tsy miresaka izy
Tsy mahita lazaina, tsy mahita atao
Atao ahoana moa akia, f’izay rehefa ankizy
Rehefa mihaona d’izaho no hibitsika aminao
--------
Rohy: https://tononkira.serasera.org/hira/bodo/hafatra-13
Hametraka hevitra
Midira aloha
Momba ny hira
Mpihira : Bodo
Vangy : 7466
Mpankafy : 0 Ankafizo
Nampiditra :
Daty : 24/03/2007 06:09
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.3879