Ny lalanao atao (AmbondronA)

Ny lalanao atao

Raha sendra ireny avonavon-teny
Iniana lazaina ho fandemen-tsaina.
Fandrabirabiana, fanambaniana
Hilofika hono, tsy hiraka intsony

Tafio ny ambom-po, vimbino tsiky koa
Dia hoento mangina, iaino am-pitoniana
Ny anao no ifantohy, ny lalanao no zory
Mba ho tsara rindra ny famindra

oh, oh, oh, oh

Na misy hanakivy, na misy hankahala
Ny nofinao fikiro, aza misalasala
Fa ndrao taraiky hihaino ireo "be lazao"
Ny hafa avelao, ny lalanao atao.

Rehefa vonona ianao, sahia mijoro
Fa tsy mba hangina ireo mpanakora
Ireo vina efao, ifalio izay atao
Ny ratsy ho vizana sy ho lao.

Ny anao imasoana, omeo fotoana
Hamafy hahavanona, hioty hasasarana
Araho finoana, amin'ny fo tony
Manetre tena, ho hery ny fahalemena

oh, oh, oh, oh

Na misy hanakivy, na misy hankahala
Ny nofinao fikiro, aza misalasala
Fa ndrao taraiky hihaino ireo "be lazao"
Ny hafa avelao, ny lalanao atao.

Aza mba variana miandry izay ho anjara.
Ataovy izay vita hampandroso hahatsara.
Ho vita hatrany izay natombokao.
Ny omaly no hatsarao, ny lalanao atao.

(...)


oh, oh, oh, oh

Na misy hanakivy, na misy hankahala
Ny nofinao fikiro, aza misalasala
Fa ndrao taraiky hihaino ireo "be lazao"
Ny hafa avelao, ny lalanao atao.

Aza mba variana miandry izay ho anjara.
Ataovy izay vita hampandroso hahatsara.
Ho vita hatrany izay natombokao.
Ny omaly no hatsarao, ny lalanao atao.


oh, oh, oh, oh
ifalio
izay atao,
itsikio
Ny lalanao atao

oh, oh, oh, oh
Fikiro
ny nofinao
Sahia,
Ny lalanao atao

A/C Beranto
--------