EO FOANA (AmbondronA)

Impiry moa no nolazaina ianao
Mba hiteny aloha vao manao ny atao
Avy eo mitanondri-dava
Toy ireny resy lava
Tsy sahy mitaraina
Hita rera-tsaina
Tsy teo ve aho
Ka nahatsiaro irery ianao
Sa aleonao irery
Amin’izay tsy miery
Saingy tsy fantatrao
Izay fotoana izay
Tsy mba ho azonao
Averina indray (2)

Nila ahy ianao hatramin’izay
Dia teo aho
Raha mila ahy ianao anio
Dia ho eo aho
Tsy irery ianao fa teo foana aho
Ary ho eo aho
Raha irery ianao
Dia irery aho

Aza omena tsiny
Raha sahirana indraindray
Fa fitadiavana io
Ary ho anao sy ho ahy
Aza sorena akory
F’efa ato am-poko ianao
Na andeha hatory
Na hifoha aho (2)

Nila ahy ianao hatramin’izay
Dia teo aho
Raha mila ahy ianao anio
Dia ho eo aho
Tsy irery ianao fa teo foana aho
Ary ho eo aho
Raha irery ianao
Dia irery aho

Impiry moa no nolazaina ianao
Mba hiteny aloha vao manao ny atao
Avy eo mitanondri-dava
Toy ireny resy lava
Kivikivy foana
Nefa aho teo foana
Ary ho eo foana

Nila ahy ianao hatramin’izay
Dia teo aho
Raha mila ahy ianao anio
Dia ho eo aho
Tsy irery ianao fa teo foana aho
Ary ho eo aho
Dia ho eo foana aho

Auteur – compositeur : Beranto
--------