Tohin'ny aiko (Agrad)

Famaritako ny fitiavana sy fahasambarana
Ilay mahita tsikinao mitsena eny ambaravarana
M'badabada
Miantsoantso hoe DADA! DADA!
Ilay saika efa aman-taona,
Heverinao hoe zazazaza

Mivezivezy aho,
Teo amin'ny lalantsaran'ny hopitaly
Tsy mahatombon-tsiraka,
Nanontany hoe aiza ihany
Dia injay ianao fa tamy
Nivatsy hery ho ahy
Tovozina tsy mety lany fa mamy
Ataoko an-kira izy androany,
Na ho hendry na ho adala
Aminao foko zanako,
tsy mba mahay mankahala
Nitady vatosoa Aho,
Fa toa nahazo  diamondra
Ny ampahory tsy hiriko
na dia iray segondra monja
Fa indray andro ianao ho reny,
hahatsapa sady hahazo
hoe Zaza refa tiana tsy hitsitsina rotsankazo
Nofihininao ny tanako,  ranomasoko tsy tanako
Ntsôoo, avia trotroiko izany zanako

Dia ho lavitra anao ny alon-drano oh!
Hanakaiky anao ilay fandresena ah!
Ny anan-dRay aman-dDreninao koa tano oh!
Fahaiza-miaina ampio fahendrena an!

Dia ampahatsiahivo dada raha somary varindriana
F'efa leo nilomano tanaty dobom-pahoriana
Lasa ratra tao am-poko ireo lasako taloha
Meloka aho raha mbola ireny no tojo anao fanin-droa  
Tsapako ianao te hiangoty ,hiantahanta te hiantsampy
Fa tsy afa-manoatra,ilay fotoana ity toa tsy ampy
Ra-fitadiavana iny tsy mamela mahazo
Tsy hahatsiarovana reraka,
tsy hahatsiarovana tanjona
Nitombo ny taona
miova koa ny laharam-pahamehana
Ny mpanjakaben-tany,
hataon'ny taranako tehana
Nefa na Dia izany aza,aza mihantehatra amin'ny lova
Raha nahefa  trano bongo ah!
Nenao Kosa MBA rova
Tany feno fitaka indraindray mampandohalika
Aza adino,ao aoriananao izaho liona manaloka

Hiary sy hanoro anao izay lalana hodiavina
Hanampy anao hahita izay irina sy tadiavina

Dia ho lavitra anao ny alon-drano oh!
Hanakaiky anao ilay fandresena ah!
Ny hana-dRay aman-dReninao koa tano
Fahaiza-miaina ampio fahendrena an!

Dia hohiraiko satria ianao ilay tohin'ny aiko
Ataoko an-kira dia hiraiko,
Satria ianao sombin'ny aiko
--------