Dada sy Neny (ZOUZOU)

Iza no tiako i dada sy neny
Fanontaniana tsy valiko ireny
Fantatro fa tsisy tombo sy hala
i neny no tiako fa i dada malala
          
          Tiako avokoa ary tiako tokoa
          Tsy mba avy eo imolotra fa avy ao am-po
          Tsy misy mahasolo ny vitan'i neny
          Kanefa tsy feno raha tsy eo i dada

Ref: Anisan'ny olona tena tsy foiko i neny
       I dada ihany koa efa olona tiako hatrizay
       Ny ahy ny angatahako hananan'ireo tombon'andro
       Mba ho ela velona ireo nahitako masoandro
                             (2x)

Endrey ireto izy efa osa tokoa
Ny volony fotsy, efa sola ny loha
Indrisy nilaozany ny hatanorany
Izany tokoa no fiainana an-tany

        Izaho aza mba efa an-taonany maro
        Fa misy kamboty amam-bolana ihany
        Mba mibadabada vao miana-miteny
        Lahatra tsy hiodivirana ireny

Ref: Anisan'ny olona tena tsy foiko i neny
i dada ihany koa efa olona tiako hatrizay
Ny ahy ny angatahako hananan'ireo tombon'andro
Mba ho ela velona ireo nahitako masoandro
                         (2x)

Iza no tiako i Dada sy neny
Fanontaniana tsy valiko ireny
Fantatro fa tsisy tombo sy hala
I neny no tiako fa i dada malala
              Tiako avokoa ary tiako tokoa
              Tsy mba avy eo imolotra fa avy ao am-po
              Tsy misy mahasolo ny vitan'i neny
              Kanefa tsy feno raha tsy eo i dada

Anisan'ny olona tena tsy foiko i neny
I dada ihany koa efa olona tiako hatrizay
Ny ahy ny angatahako hananan'ireo tombon'andro
Mba ho ela velona ireo nahitako masoandro
--------