Mpitari-dàlana tsara (Voahirana)

Tsara fifidy aho raha nahazo anao
Hiara-dàlana amiko
Mahazo hery aho raha vao eo ianao
Ho andry mafy tokiko
Rehefa misy tafiotra
Ianao no mpiaro ahy
Tsy foinao aho sanatria
Fa sarobidy ao am-ponao
Ny aizim-pito raha eo an-tratranao
Tsy atahorako akory
Manam-pinoana aho fa tia ahy ianao
Tsy mihorohoro , tony fo
Mandry ivohon’ny vato aho
Satria tia ahy ianao
Ka na dia lasan-davitra aza aho
Tsy very fa ao am-ponao

Ianao no mahay miahy sy mikarakara
Ary satria tia , mpitari-dàlana tsara
Koa inona indray no iriko mihoatra ilay
Fitia tena avy ao am-ponao ?

Ny nofiko ela dia ny ho tinao
Kanjo tanteraka tokoa
Ny hasambarako hatramin’izao :
Ianao eto anilako
Iriko hitohy hatrany izao fifaliantsika izao
Ka dia tolory tsy mety lany
Fitia tena avy am-ponao
--------