Hazo fijaliana (TAFA)

Indro tsapako ry tompo
Fa mavesatra tsy zaka
Ilay hazo fijalianao tety
Kanefa hoy ianao
Raha finoana fotsiny ihany
Dia zava-poana raha toa tsy harahina asa(x2)

Ankehitriny tompo oh
Mila hery izahay
Ka tolory ny fanahy masinao
Mba tsy ho verivery foana anie
Na handalo fotsiny ihany
Ny tonombavaka izay hasandratray

Ampianaro aho tompo
Mba hahaizako mitondra
Ilay hazo fijalianao tety
Ka hahery sy hazoto amin'ny asa fanompoana
Hanohy ny lalana izay nalehanao(x2)

Izay no faniriana manetsika ny fo
Andeha hifikitra hanara-dia anao
--------