Ahy (Rak Roots)

(Nalaina tao amin'ny tononkira.serasera.org)
Tandrifin-drahona hono malala ny fitiavantsika
Indraindray maloka, indraindray koa manorana
Fa tsy misy olana, tsika no manazava
Raha zah no diavolana, ianao kintana mandravaka e

Betsaka ihany aki raha ireo tantarantsika
Nandalovana ny ady mafana sy ny mangatsiaka
Fa mbola eto foana e, tsika roa samy tsy hiala
Diso ve ny tena raha hiteny hoe : "za maka antsika"

Am-pitsikiana no ilazako fa
Valim-bavako ianao e
Fanomezana avy ao Ambony ao
Nomenao ahy, ilay tena notadiaviko
Tena nomeny e
Misaotra anao Ray

REFRAIN (x2):
Ahy ny malalako, ary azy aho e
zaho ho anao e, ianao ho ahy e
Ahy ny malalako, ary azy aho e
ny foko omeko e, ny anao ko omeo ana

Anio ho anao, dia lazaiko ny tsiambarateloko
Efa navadibadiko im-pito ny lelako o
Ny foko no avelako hiteny fa ny hafa no ferako o
Ny mombamomba ny ho avintsika no mandany lerako o

De manomboka eto ary ity ny tantarantsika
Andriamanitra Ray be fitiavana no hi-tantana antsika
Dia atolory ahy ny tananao e
Tena faly aho manana anao e

Am-pitsikiana no ilazako fa
Valim-bavako ianao e
Fanomezana avy ao Ambony ao
Nomenao ahy, ilay tena notadiaviko
Tena nomeny e
Misaotra anao Ray

Instrumental

REFRAIN (x3):
Ahy ny malalako, ary azy aho e
zaho ho anao e, ianao ho ahy e
Ahy ny malalako, ary azy aho e
ny foko omeko e, ny anao omeo ana
--------
Rohy:
Hametraka hevitra
Midira aloha
Momba ny hira
Mpihira : Rak Roots
Vangy : 3182
Mpankafy : 1 Ankafizo
Nampiditra : aml_rml
Daty : 18/08/2022 08:53
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0105