Irery (Nadji)

Irery aho, irery eto
Irery miandry ety
Irery aho irery miantso
Irery miandry anao.
   Tsapako fa mafy izany
   Singan’ny lavitra akany
   Irery aho irery miandry
   Irery tsy eo ianao.

Mba any ianao lavitra any
Tsy mahatsiaro ahy
Ny ato am-poko anefa izany
Toa tsy mitsahatra
Fa ianao ihany no ilaina
Hampitony ireo taraina
Miahotra aho toa tsy sahy
Ny aminao mampiahiahy

     Ho faly sy ho mirana
     Raha indro ianao tonga mandray
     Ilay antsoko izay ela izay
     Vimbino ho ahy ilay hery iray
     Fifankatiavana hatrizay
     Ho voninkazo soa indray
     No irony iarahako ho iray.

Tsy ho ahy intsony anefa ianao
Tsy hipody ihany koa
Izay angaha no fantatrao
Fa hahitanao soa
Na ho sarotra amiko aza izany
Mandehana tsy manahy
   Irery aho, irery eto
   Irery tsy eo ianao
--------