Tsy sitrako (Mamy Rakotoarimalala)

- Tsy sitrako izao -
Mamy Rakotoarimalala

A/C : Mamy Rakotoarimalala


Tsaroako tsy maty vonoina ao anaty
‘reo andro lasa niaraha-nikalo
nisoko mangina ka mila tsy ho tanty
namolivoly toa oram-panala

Veloma,
Veloma e ry mamin’ny foko !
veloma no sisa hany hokaloiko
veloma kanefa ny dina natao ;
mety hamingana hanamotraka anao.

Na mafy aza ny fahatsiarovana
Mamelona indray ny fo tia anao
Iniako hampanginina ho tra-pahalovana
satria fantatrao fa tsy sitrako izao

Veloma,
Veloma e ry mamin’ny foko !
veloma no sisa hany hokaloiko,
veloma kanefa ny dina natao
mety hamingana hanamotraka anao.

Ninia aho nikipy tsy hijery anao
dia hohaiko tokoa ny hamono avy hatrany
ny sentom-pitia tsy hiampita aminao
fa homeko olon-kafa iray any ho any !

Veloma,
Veloma e ry mamin’ny foko !
veloma no sisa hany hokaloiko,
veloma kanefa ny dina natao ;
mety hamingana hanamotraka anao.
--------