Zava-misy (Getragetra)

Lazaina fa ny olona dia mitovy zo
Draidraina koa fa hoe mitovy loha
Miaraka hatrany
Kanefa ireo zava-misy eto an-tany
Dia nahatonga ahy hanontany moa ve marina izany ?

Toloko, tomany sy ratra
Manenika ny eto an-tany
Ka be ireo rendrika
Mila vonjy ka miantsoantso hoe
Tompo ô aiza Ianao ?

Inoana fa ireo nijaly toy izany
Raha toa ka mbola eto an-tany
Indray andro any hifaly
Ho foana ireo hirifiry sy jaly
Ka ny lasa hanjary nofy ratsy mandalo
--------