Finoana arahan’asa (FJKM BETSIZARAINA FINO)

1. Ho Anao ny saotra sy ny dera
Ry Ray Mpahary sy Mpiahy,
Ny Fiangonanao mijoro
Noho ny asan’ny Fanahy.

Ref :
Fa ny finoana ho tanteraka
Eo amin’ny asa izay hatao,
Ry Betsizaraina ô, aza reraka  
Ho velona tokoa ianao.

2. Ny Tompo tsy mba manadino
Ny asa tsara ataon’ny mpino,
Ka fitahiana sesilany
No indro asetriny izany.

Ref :
Fa ny finoana ho tanteraka
Eo amin’ny asa izay hatao,
Ry Betsizaraina ô, aza reraka  
Ho velona tokoa ianao.

3. Ho lalim-paka ny finoana
Ka vonona hiasa hatrany,
Ny tena fototra ijoroana
Dia Jesoa irery ihany.

Ref :
Fa ny finoana ho tanteraka
Eo amin’ny asa izay hatao,
Ry Betsizaraina ô, aza reraka  
Ho velona tokoa ianao.
--------