Mbola tsy tara (Faniry Razafindrabe)

Mbola tsy tara ianao  raha toa ka izao
ny hana-pakevitra  ny hanara-dia
ho isan'ireo sakaizan'i Kristy,
mahatok’Azy  mandrakizay e

Safidy tsara ny anao ka dia mahereza
Mitoera tsara , aza miova
koa  hampitoboy ny harem-panahy
Tsy ho foana tsy akory  ny ezaka atao e

Marina fa toa sarotra ny dia
tsarovy anefa fa ilay zoky be fitia Jesoa Krsity no mialoha lalana
mitondra ireo enta-mavesatra, ny tebiteby , ny tahotra
sy izay rehetra mety ho sakana

Miaro anao amin'ny loza mety havoa
mitarika anao hiroso aloha ho vavolom-belona ny asany
ka ianao hiankina aminy tanteraka hiombon-piainana aminy
mandrakizay , satria sakaizany

Dia ho olo-baovao, naterak’indray ianao
Lalam-piainana hafa indray izao no hizorana manobok’anio
Dia ho fianarana ho an'ny mino ianao ka hanjaka ao anatinao,
ny fitia sy ny fankatoavana  an’ i Kristy

Mbola tsy tara raha izao
Mbola tsy tara Ianao raha izao
Ny hanolo-tena ho an’i Jesoa Kristy Eh eh eh

Mbola tsy tara ianao raha izao
Ny hanaiky an’i Krsity ho Tomponao
Mbola tsy tara ianao  Eny mbola tsy tara ianao

Raiso Kristy ho ao anatinao
Aoka izy no hanapaka ny fiainanao
Raiso i Kristy, raiso i Kristy ho anao
--------