ANDRIAMANITRA Ô! (Benja Mahavanona)

Andriamanitra ô!
Ambarao anay hoa 'zay tena marina.
Ny fiainanay ve,
efa voatokana ny tsy hilamina?
Tsy hitanao ve?
ity fiananay toa sangodim-panina.
Miangavy anao mba hidina
fa misy lohan'angidina
'zahay zanakao.

Fa may,
May ahita anao hoa ny zanak'olombelona
amin'izao fotoana izao.
Fa ho ay!
Magneto sy Disque no enti-manafana
ny fidinanao avy any an-danitra.

Andriamanitra ô!
Fa tsy mba misy Afera ve
ahazoanay miakatra any?
'Zay mibebaka ihany ve
no hahita izany fanjakan'ny lanitra?
Hialàna tsiny re!
Fa ny fotoana tena mbola sarotra.
Tsy izahay no maditra,
fa ny Revy no tsy ritra.
Fa mino anao 'zahay

Fa may,
May ahita anao hoa ny zanak'olombelona
amin'izao fotoana izao.
Fa ho ay! Ray lay be fitiavana
ka afaka hanome potipotiny ho anay,
ondry mafy loha.

Andriamanitra ô!
Ny loza mety hiseho re, hambarao anay.
Ny hafanana be, areti-maro
hain-tany sy ny sisa.
Orohoron-tany re, namoizanay olona analin-kisa.
Antsoy an-téléphone ah! (Antsoy an-tariby).
Raha misy cyclone ah! (Sanatria hoe Tsünami).
Homananay indray.

Fa may,
May ahita anao hoa ny zanak'olombelona
amin'izao fotoana izao.
Fa ho ay!
Aza miandry ela ianao
raha hamaly ny antso an-taratasinay
fa zava-marina.

{Fa Ray! Ray lay be fitiavana
ka afaka hanome famindra-po ho anay}.

Ry ambani-lanitra ô!
Miteniteny foana aho, angamba hoy ianao.
--------