Arotsahy dieny izao (Feo Gasy)

I Dada malala, i neny tsy mba foy
Lasa nodimandry any am-pasa-mangina
Tsy ho hitako intsony
Ny sombinainareo, ny zanakareo
Miady amin’ny fiainana mafy dia mafy
Ka miantso vonjeo
Ny tanindrazantsika dia milentika ihany
Ny mpiray tanana dia migogogogo ary koa mitomany
Tsy ankizy tsy lehibe dia minaonaona
Fa olona noana
Ka mifampihinana marina mafy sy tsy mitafy

Vonjeo Andriamanitra ry Tompon’ny lanitra o !
Ny fahasoavanao arotsahy dieny zao o !
Hafaho mba hiala amin’ity fahantrana
Ho afaka izahay, eny mandrakizay !

Ry zandry tena tiana, zokibe toa ray
Mandeha mitady asa,
Tsy mety mahita ka mavaivay
Nenitoanareo, dadatoanareo
Miasa mafy amin’ny karama kely
Ka dia mitoreo
Ny nosy mamintsika
Dia mihemotra hatrany
Lalaovan’ireto mpanao pôlitika
Ka dia mitomany
Samy Malagasy no mifandritaka sy mifamitaka
Ihomehezan’ny hafa
Fa hafahafa tsy mahay mitafa

Vonjeo Andriamanitra ry Tompon’ny lanitra o !
Ny fahasoavanao arotsahy dieny zao o !
Hafao mba hiala amin’ity fahantrana
Ho afaka izahay, eny mandrakizay !
--------