Tontolo Faharoa (AmbondronA)

Irery anaty efitra,
Alina iray namirifiry ,
Irery very hevitra teo am-pandriana aho
No nikiry niheritreritra,
Toa lasa any ho any
Misavoana toa tsy eto an-tany

Mivezivezy ny fanahy
Ka ohatra ny ho sahy hamerina indray
Hamantatra ilay tontolo hafa iray

Fa any ho any izao misy toerana iray,
Fa lasa any ho any izay eritreritro izay,
Fa any ho any koa misy toeran'ny fo,
Ilay tontolo faharoa.

Irery anaty trano iray,
Mitanisa ireny olana maro
Irery alofan'ahiahy, mifamahofaho sy mifangaro
Ny lasa sy ny ho avy ,
Nakipy ny maso... dia izay... tontolo hafa indray,

Mivezivezy ny fanahy
Ka ohatra ny ho sahy hamerina indray,
Hamantatra ilay tontolo hafa iray.

Fa any ho any izao misy toerana iray
Fa lasa any ho any izay eritreritro izay ,
Fa any ho any koa misy toeran'ny fo,
Ilay tontolo faharoa

Fa any ho any izao misy toerana iray
Fa lasa any ho any izay eritreritro izay ,
Fa any ho any koa misy toeran'ny fo,
Ka ohatra ny ho sahy hamerina indray
Sy hanakatra ilay tontolo hafa iray
ka ohatra ny ho sahy hamerina indray
Hamantatra ilay tontolo hafa iray
Ilay tontolo faharoa yeah
Ilay tontolo faharoa

A/C : Beranto
--------