INY OMALY INY (Mihanta)

Iny omaly iny sy ny aliko,
Tsy nisy ora iray akory,
Mba nikipian’ny masoko.
Nefa iniako adino izany,
Mba ahafahako mijery…
Ilay marainako vaovao !

K’izay atomboko ny maraina,
Ho atsaraiko ny hariva, dia ho kanto ny ampitsoko !
Raha ny lalako no mangina,
Ka tsy ahalalako an’iza n’iza,
Dia ahafahako milaza fa,
Misy olona any ho any,
Mieritreritra ahy foana…
Sy mihirahira ho ahy !

Raha toa hakiviana…
No mameno izany saiko, dia ho reseko moramora !
K’ilay hira vao mba nataony ho ahy !
Hiraiko, kaloiko, ventsoiko…
Dia ho hery vaovao indray !
Hihira aho, hira vao, tsy ritra ato ampoko,
Fa mandra-maty !
Izany, izany no hirany ho ahy…
--------