Ankalazaina (tononkira ho an'i Neny) (Kelly Rajerison)

Ankalazaina ny andro anio ho an’ny fahatsiarovana anao
Loharanon’ny fiainana, ianao no nitarainana
Ankalazaina ao am-poko ao amin’ny fomba tsotra sy madio
Raiso re ny hira tsara indrindra atolotro anao

Fa raha ny feonao no nandrotsirotsy nahitako tory fahizay
Ny tratranao no bodofotsy niaro hafanana ho ahy
Fa ianao no herin’ny fitiavana nandrandraiko hatramin’izay
Raiso re ny hira tsara indrindra atolotro anao

Fahatsiarovana ihany izany
Tsy ho arahin’alahelo na tomany
Ankalazaiko am-poko ao
Ho ahy mangina ny fahatsiarovako anao
Amin’ny andro iray toy izao, toy izao.
--------