IANAREO ZANAKO

Lohateny IANAREO ZANAKO
Nampiditra match
Tamin'ny 30/04/2007 12:52
Vangy : 450


IANAREO ZANAKO


sol                        mim 
Namoronako ny tsy nanànako,
sol                              mim        
Nanakarako ny tsy azon'ny tànako,
lam                           mim
Nandaniako izay kely fananako,
lam               re
Ianareo zanako...


Ts'isy tany nihoriranako,

Matetika tsy nihinanako,

Aretina aza mbola nitsanganako,

Noho ianareo zanako...


sol       sim              mim
   Satria, tsy misy maniry,
lam                do              re       
   Ireo voa nafafy no ratsy faniry;
sim            mim           lam
   Samy mikolo sy mikely aina,
do                        sol
   Mba ny solo hojinjaina,
sol               re7            sol
   Hanana ny tsara hoandrandraina.



Be ny làlana saika nandehanako,

Ny sampanana saika nivilianako,

Nefa ny mahitsy no notanako,

Noho ianareo zanako...



Matetika, nikapoka ny tànako,

Nisy fotoana tsy maintsy nihenjanako,

Mahery, angamba, hoy ianareo ny fitantànako,

Nefa ho anareo zanako...



   Satria, tsy misy maniry,

   Ireo voa nafafy no ratsy faniry;

   Samy mikolo sy mikely aina,

   Mba ny solo hojinjaina,

   Hanana ny tsara hjoandrandraina.



Na noana aza aho, ianareo no nofahanako,

Ho anareo no nifaninanako,

Izay sitrapoko zary nobahanako,

Noho ianareo zanako...



Fa ho avy ny anro tsy hitsanganako,

Fotoana izay tsy maintsy handehanako,

Nisy anareo tety nisahiranako,

Izay no fiadanako...



   Ianareo ho tsara faniry,

   Hiroborobo, holavitry ny hirifiry,

   Izay no valin-kasasarana,

   Tojo ho hasambarana,

   Ho ahy any am-pitsaharana!



Dadah
© serasera.org 1999 - 2024 - page load 0.1695