Anjeliko (Silo)

extrait de l’album Rimo rimo)
paroles et musique : Silo Andrianandraina

F’iza loatra ’reto vehivavy be dia be manontany ahy ?
Iza no mety ho akaiky indrindra ? Ka tokana
sipa hanolotra fiainana hanintona ahy
dia hotolorako fanahy malefaka

Izy ’ty vao tonga, ’ty mamonjy, manampy ahy
’lay very saina, malaindaina
toa manahirana ihany fa hoe
hanambady ahy, mba sahisahy
rahoviana angaha no mba ho avy ’lay tena andrasako
tsy avy aiza, tsy avy aiza fa tolotra avy amin’ilay Ray tsitoha
Firy aminareo no handray ity tanako ity
iza aminareo ary no hanaiky ilay fitia
ka hanadino ireo ditrako tety
hitady fahendrena hiaraka amiko,
anjeliko

Izy ’ty vao tonga, ’ty mamonjy, manampy ahy
’lay very saina, malaindaina
toa manahirana ihany raha avy hatrany dia
samy olombelona, no hifamelona
rahoviana angaha no mba ho avy ’lay tena andrasako
’lay fotoana iray hanatrehako ilay mba ho anjarako
Firy aminareo no handray ity tanako ity
iza aminareo ary no hanaiky ilay fitia
ka hanadino ireo ditrako tety
hiaina ampahendrena hiaraka amiko
anjeliko

Olona ihany, fa manam-panahy
Antsoiko hatrany, dia manantona ahy
Hanampy ahy, handrindra ireo feo
Hanoro ahy, hamafa ny teo
Tempoly iray, mitoetra ao anaty
Fitia iray, tsy mety ho faty
Milaza mangiana, ny fifaliana
Mitory fitia, tsy hay ho valiana

Ianao ’lay voatokana ho ahy irery eto an-tany
Ianao ’lay anjely hitondra any ambony any
--------