Ramano be Galona

Titre Ramano be Galona
Envoyé par hrindrat
Le 08/09/2010 15:15
Visites : 361


Ny tanin-dRamano 


Dia tany zanatany


Ny tany tamin’izany


Mbola feno zanatany





  Nanainga i Ramano 


  Tsy afaka nandà!


  Nirongo basy lava


  Nilanja barida





Ady no naleha 


Tsy anaovana kinanga


Nitifitra na maty


Nefa olon-janatany





  


  Naverina  Ramano


  Tsy maty nefa angano


  Ny olona eny an-dàlana


  Mihomehy ny galonany





Galonan-dRamano


Dia misy tena izy


Fa misy mampihomehy


Mampioraka ny ankizy





  Satria kapsily


  Sy fatina bilao


  Mikoritsana eny an-tratrany


  Grady be tsy zakany








Nalevina omaly


Ramano be Galona


Ireo mpananihany


Nanjary nitomany 





   Ny tanin-dRamano


   Dia tany zanatany


   Ny tany tamin’izany


   Mbola feno Zanatany



http://www.dailymotion.com/video/x3ke0w_bonbon-gasy_music