Kalon'ny Mahantra

MImin                           LAmaj    
Ny fahoriana nenti-natory no iarahana mifoha
FAdiezmaj         SImin
Toa vady faharoa, vady tsy mahafapo
MImin                          LAmaj
Nahatonga disadisa sy zavatra hafa maro
LAmaj                        RE
Mavesa-babena rehefa injay mifangaro
          MImin       LAmaj       FAdiezmaj    SImin   
         Izany e no fiainanay e, niainanay hatramin’izay
          MImin      LAmaj        LAmaj        RE   
         Izany e no fiainanay e, niainanay hatramin’izay



Ny mponina ato an-trano tsy mitsaha-mitombo

Mila ho vaky sy hanempotra ity trano bongo

Minaonaona ary koa mitomany

Ny kely am-pelantanana tsy hahavita izany

         Izany e no fahorianay e, mangidy, mangidy nentinay

         Izany e no fahorianay e, niainanay hatramin’izay



Ny lahimatoa nikopak’elatra, nandeha nirenireny

Nandao ity akany tsy an-kiteniteny

Ny vavy kosa hafahafa fitady

Nanao izay ahazoana amin’ny kivadivady

         Izany e no fitadiavanay e, mangidy, mangidy nentinay

         Izany e no fitadiavanay e, niainanay hatramin’izay



Nitady asa aho omaly, nolazaina fa maloto

Tsy nomena afa-tsy asa mampitotototo

Ny vadiko kosa manao ny sasa lamba

Nefa efa marary, maray mihitsy angamba

         Izany e no fitadiavanay e, mangidy, mangidy nentinay

         Izany e no fitadiavanay e, niainanay hatramin’izay



---



Dia tonga indray ny ririnina, hatsiaka mamirifiry

Ny lamba fitafy anefa tsy mba misy firy

Ny ankizy anefa efa jiatry ny hatsiaka

Mangovitra, mangovitra sady toa ratsy bika

         Izany e no ririninay e, mangidy, mangidy nentinay

         Izany e no ririninay e, niainanay hatramin’izay



Dia io koa rafahavaratra, ny orana no tsy tana

Azy ny tany, azy koa ny lalàna

Ny voly kely any halatrano potiky ny havandra

Tsy misy afa-tsy ny maso no mivandravandra

         Izany e no fahavaratray e, mangidy, mangidy nentinay

         Izany e no fahavaratray e, niainanay hatramin’izay



Dia tonga ny kirisimasy sy i Dadabe Noely

Rakotra kilalao ireo zazakely

Ny anay kosa milalao tapa-kazo

Firy taona izao tsy mbola mba nahazo

         Izany e no noelinay e, mangidy, mangidy nentinay

         Izany e no noelinay e, niainanay hatramin’izay



Arahaba tratry ny taona, dia samy ho tratry ny hoavy

Mivory, mikorana ireo mpianakavy

Ny anay kosa dia toa izao ihany

Tsy misy hafa tsy ny omaly sy ny androany

         Izany e no fiainanay e, niainanay hatramin’izay

         Izany e no fiainanay e, mbola hiainanay mandrakizay



MAHALEO