Moa ve (Tonton Pa)

Moa ve,ireo vovoka niaraha-nilalao ka nanditsoka
mbola afaka hamela vetso na ritsoka?

Iarahana mikalo indray
Hoenti-mahatsiahy ny fahizay
Hahatsiarovana ireo mamy
Noheverintsika fa tsy ho lany

Eny,mbola manina aho
Fa asa kosa,asa lahy ianao
raha nahatsapa fa hafa ihany
izany voalohany izany

Ref: Ny efonefona kelinao
       Raha nofohiniko teto an-tratra
       Tsapako fa resy ianao.
       Izaho koa nahatsiaro naratra

       Ny lanjam-pitia toa ampy fatra
       Nihoatra aza ,ô ô ô

Moa ve,ireo ditraditra fanao miafinafina
Mbola azo tsinjovina etoana raha tarafina?

Mbola any ve ireo toky?
Sa teo am-bava ireny ka nofy
Toa mbola henoko ilay feonao
mibitsika hoe:"tiako raha ho anjara ianao".

Eny,faniriana ireny
fa ny lahatra tsy an-teritery
Raha ny hazo tokoa no nitohy
Nahatody ambony dia ambony.

Ref: Tsaroako ilay tomaninao
       Indray andro izay raha vao nihaona.
       Nilaza fa handao ianao:
       NY TONTOLO NO INDRAY NISAONA

      Tapaka ilay nofy mamy dia mamy
      Tsy nisy toy izany ,ô ô ô.

  Hatrizay ka hatramin’izao
  Dia tsy nety hita intsony e
  Dia tsy hita intsony,dia tsy hita intsony ianao


                                         Rakoto Patrick
--------