Mpandresy ambonin'ny mpandresy (Raboussa)

(Nalaina tao amin'ny tononkira.serasera.org)
MPANDRESY AMBONIN’NY MPANDRESY

Avy aty amin-dRaboussa
Ho fiovana, manomboka androany
Mpandresy ambonin’ny mpandresy


Raha mba vavaka no nataoko mba andrandrana ny fahombiazana
Fa maninona ny valim-bavako no miafara amin’ny hidy vazana
Ka mbola handrasana ilay fiovana hatrizay tsy namako
Tsy mbola nandramako, fa mandram-piandry ho tohizako ny lalako
Fa maninona no misy ny mahantra dia misy ny mpanankarena
Fa maninona amin’ny loko mbola misy ny mena ambonin’ny mena
Fa maninona hatrizay no alahelo foana no nosoratako
Fa maninona hatrizao misy fandresena sasany tsy nety fantatro
Ka zakako, manomboka androany aho hiaraka amin’ny fiovana
Mba ho mendrika ho Raboussa rehefa miodina erakin’ny tanana
Amin’izay aho ho adimizana, ho mpandresy tsy maty vonoina
Hiaraka amin’ny rehetra rehetra ny herin-tsaiko tsy ho azo lotoina
Goavana, tsy azo kasihina nefa misetrasetra
Fa ao anatin’ny rà-ko no mikoriana ny soratra ho « bônetra »
Amin’ny rehetra rehetra , manomboka androany izany no hisesisesy
Ho mpandesy ambonin’ny mpandresy
Ref (2)
Na henika tomany aza ny,tany ho mandrakizay
Vao maika milay, ny anarako ho dorana fa tsy may
‘Zay ka aty amiko ny fiovana hisesisesy
Ho mpandresy ambonin’ny mpandesy
Raboussa, ialahy ‘lay natetika niaina tanatin’ny mangidy
Ialahy ilay hatahorana ka nahita volana alohan’ny biby
Ialahy ilay niavaka, raha tamin’ny fiaraha-monina
Ialahy tsy nikôzy hoe henjana aho fa na izany aza tsy azo songonina
Ambony ny herin-tsain’ialahy na dia betsaka aza ny kitakita
Fa amin’ny fiainana, ny fahendrena tsy maintsy ho resin’ny maditra
Fa ho tafita, ‘zay lay hetaheta mihoatra ny finoana
‘Za tsy milona, handalo ny fotoana ka ny anarako tsy maty vonoina
Raha misy manakiana, aleo izany ho an-dry lerony
Fa ny tantara no hitsara tarafin’ny masoandro avy any ambony
Izay no hetahetan’ny fony, fa ny naoriko tsy ho rava
Vao mipoitra aho dia fandresena no hita misoritra eny amin’ny tava
Tsy ilaina mikôzy na teny iray fotsiny aza avy ao am-bava
Fa ‘za ilay mazava anatin’ny haizina, ‘zay fotsiny dia ampy hilaza
Tsy an-jaza, hanomboka androany ny fandesena hisesisesy
Ho mpandresy ambonin’ny mpandresy
Ref (2)
Na henika tomany aza ny any ho mandrakizay
Vao maika milay, ny anarako ho dorana fa tsy may
‘Zay ka aty amiko ny fiovana hisesisesy
Ho mpandresy ambonin’ny mpandesy
Misy ny fiovana mba hitoetra foana ato anatiko
Ahafahako mandresy izay rehetra rehetra izay tsy tantiko
Dia ny honjohonjoko mandeha singany hiala hisinda « rem »
Amin’izay ho bônetra araka ny efa nokôzian’ny Ra-baina
Dia ny ratsy omaly, androany iny ny ho lavorary
Aingam-panahy sy ny haren-tsaiko ho anisan’ny zava-boary
Ho zanahary, lalan-kizorako tsy misy hikipiana
Henoko ny fiovana ato anatiko ao mibitsika ahy mangina
Fihafiana, tomany, taloha anisan’ny fahazavana
Fa ho tafita ‘lay tsy laitran’ny balan’ny fananarana
‘Zay ny anarany, midika fandresena ho mandrakizay
Teneniko foana foana intelo, indroa, indray
Dia na lavo aza tsy hiondrika fa vao mainka hitraka
Amin’izay fotoana izay no ahatsapako fa ‘za no tompon-daka
Mangina ny tsy mazaka, manomboka androany ny fandresena hisesisesy
Ho mpandresy ambonin’ny mpandresy

Ref
Mpandresy ambonin’ny mpandresy : vavaka iray ho an-dRaboussa mba ho biby eny amin’ny lalana, mba ho mendrika ho Raboussa rehefa miodina eny amin’ny tanana, dia ho bônetra @ rehetra². Nefa izany lalana mpandresy ambonin’ny mpandresy izany Raboussa, mbola misy mpamingana an’ialahy foana @ izany, mbola misy mpitifitra an’ialahy foana @ izany. Fa tadidio fa ialahy ialay henjehana fa tsy mety ho tratra. Dia rehefa tonga eny @ tanjona ialahy dia mitenena hoe izaho no tompon-daka. Rehefa tonga izay fotoana izay dia hitondray mozalia be dia be ny kôfa eny @ tanana, hahaha laingako izany ana ! Ho an’ny rehetra² mpandresy amboniny mpandresy ho fiovana , siks.

RABOUSSA
--------
Rohy:
Hametraka hevitra
Midira aloha
Momba ny hira
Mpihira : Raboussa
Vangy : 11099
Mpankafy : 1 Ankafizo
Nampiditra :
Daty : 11/10/2002 19:45
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0711