Hifaliako (Miora.R)

Nandinika ihany aho
Hoe fa nahoana ary
No manjombona lava izao
Toa tsy misy mety izay atao
Niezaka teny foana
Mba hanao ny mety
Fa tsy hay hoe nahoana
No misy andro maloka
Izay inoako fa hiserana
Tsy ho avelako
Handoto ny hoaviko

Manombok'izao ny andro rehetra hifaliako
Hizaràko fitia aminao
Anio, andao hankafy, hiaraka hifampizara indray
Horakofantsika tsiky ny tontolo
Hamiratra ny tsirairay
Hiaina am-pitiavana indray

Tsy ataoko sakana
Raha nisy tsy nety natao teo aloha
Ho tefeko ho firavaka
Ireo fotoana mamy niainako
Ho zaraiko aminao
Ho fifaliana iarahana
Oh oh oh
Hizaràko fitia aminao
Oh oh oh
Hizara tsiky indray
Oh oh oh
Hamiratra ny tsirairay
Hiaina am-pitiavana indray
--------