Hiderako Anao (GAEFIA)

Samy hafa, fa iray ihany izahay ireto tonga manatrika
Manoloana ny seza fiandriananao, be voninahitra
Indro asandratray avo ho anao ny feonay
Hanako ho ren'izao rehetra izao
Hanambara fa masina Ianao, Andriamanitra

Ref:
Izay talenta natolotrao ahy, hiderako ny anaranao
Tsy ho asiako fepetra na kely, fa afoiko daholo ho Anao
Haneoko fa tsara Ianao, fa tsy misy ny toa Anao
Fa izao ary rehetra izao, fahasoavana avy Aminao

Fa voafidy ho filazantsara sy endrikao izahay
Mba havaozy ho mendrika fa tsy hanao asa alasafay
Tafio hery tsy ho ravan'ny sarotra
Fa mafy ny ady ho atrehinay
Ho toy ireo mahery fo, tsy ho lefy mandrakizay

Ref: *2

Ny talenta natolotra, hiderako ny anaranao
Indro atolotro tsotr'izao, hiderako ny anaranao
Tsy misy fetra fa afoiko ho anao, hiderako ny anaranao
Indro atolotro tsotr'izao, GAEFIA dia hidera Anao

AC: Ranto Andriane
--------