Raiso aho (Ziona Famonjena)

Raiso aho - Ziona Famonjena

Resy lahatra aho fa hoe tena tia anao
fa nandray ahy
f’izaho ilay naniasia, dia niaritra teo sy tamin’izao tontolo izao

impiry moa ianao no efa niantso ahy
mba hiverenako, nefa izao no tsy niraika
fa niliba teo, nijinja fahoriana avy eo

Raiso aho tompo o, fa mila anao aho
aminao ihany no tena fiainana
famoizam-po mandrakariva, no tsapako
raha tsy teo ianao, mbola miandry ahy

Resy lahatra aho fa hoe tena tia anao
na dia niavonavona izahay
niaretanao ireo latsa sy esoesoko
nanindrona ny fo

ny androko sisa atolotro anao Ray ô
afoiko avokoa izao tontolo izao
ny lalan-kafa ratsy izay nizorako teo
afoiko ihany koa

Raiso aho tompo o, fa mila anao aho
aminao ihany no tena fiainana
famoizam-po mandrakariva no tsapako
raha tsy teo ianao mbola miandry ahy

Ray o
tsy haiko hadinoina mandrakizay mandrakizay ny fitiavanao ahy
tafalatsaka ato ampoko, eny tafalatsaka ato ampoko tanteraka mintsy fa hoe tia ahy anao
na dia tao anatin’ny ady sarotra aza aho, na dia tao anatin’ny hirifiry aza aho
dia tsy mba nohadinoinao aho Ray ô
androany, raiso aho Jesosy o
--------
Rohy: https://tononkira.serasera.org/hira/ziona-famonjena/raiso-aho
Hametraka hevitra
Midira aloha
Momba ny hira
Mpihira : Ziona Famonjena
Vangy : 3779
Mpankafy : 0 Ankafizo
Nampiditra : rshery
Daty : 12/09/2008 10:36
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0813