Porofom-pitia (Tarika Remy)

(Nalaina tao amin'ny tononkira.serasera.org)
Eo am-body fefy aho no miandry anao
Isan-kariva maizim-pito
Tsy miala teo mihitsy aho mandrapahatonganao
Porofom-pitiavako anao.

Na lohataona maina na ririni-mamirifiry
Iafiako, iaretako hatrany
Ny foko mazoto, ny saiko mikiry
Porofom-pitiavako anao.

Na orana mikija na rivotra mifofo
Tsy afa-manakana ny diako
Odiako tsy hita ny tadio mitorajofo
Porofom-pitiavako anao.

Sonenika ery e, mikotaba
Entanim-pitia toa tsy ho rava
Namela ratra ao am-po
Tsaroana ka kalokaloina
Sonenika ery toa tsy hifandao
Entanim-pitia toa tsy ho lao
Eo am-body fefy no mitalaho
Tsaroana ka kalokaloina

Ireo teny mamy nataonao ahy
Mandrotika fo sy fanahy
Ireo sangisangy manapa-tsinay
Porofom-pitiavanao ahy

Any am-pianarana aho tsy mety mahay
Ny saiko mankany aminao
Zéro sur vingt ao anaty bulletin
Porofom-pitiavako anao.

Sonenika ery e, mikotaba
Entanim-pitia toa tsy ho rava
Namela ratra ao am-po
Tsaroana ka kalokaloina
Sonenika ery toa hifandao
Entanim-pitia toa tsy ho lao
Eo am-body fefy no mitalaho
Tsaroana ka kalokaloina
--------
Rohy:
Hametraka hevitra
Midira aloha
Momba ny hira
Mpihira : Tarika Remy
Vangy : 5946
Mpankafy : 1 Ankafizo
Nampiditra : ikalamako
Daty : 19/09/2015 13:10
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.3353