Tonga ilay malalany (RAMPAL)

Ilay masoandro efa dify tery
Ny olona efa tapi-mandry
Injay nisy nisioka tao ala-trano tao
Tonga ilay malalany, tonga ilay malalanao

Tapitra hatreo ilay nofy saika mamy
Niombonantsika roa
Ilay tompon-toerana no indro fa tamy
Ataoko ahoana moa, mangina rehefa voa

Raha lasa aho dia indro, indro ny anao nanakatom-baravarana
Izaho irery sisa tao ala-trano tao nanarangarana

Isika moa na dia nifankatia
Izy ilay nametraka sonia
Dia izy ilay efa nisy hatrany aloha
Izaho efa faharoa, haitraitra ihany koa

Tsy afaky hanampatra ny fo
Ekena fa marary tokoa
Maka sary an-tsaina izay ataonareo
Mionona nony avy eo mahatsiahy ilay aninkeo

Rehefa lasa izy dia hiverina ao aho
Aleoko dia faranana
Misy fetrany ihany ny fahazakako izao
Misy fiangarana

Sady manahy aho ny ho todin’izao
Rahatrizay ka manana
Ny ahy ve tena izy ny azy kilalao
Hahazo vahana

Ilay masoandro efa dify tery
Ny olona efa tapi-mandry
Injay nisy nisioka tao ala-trano tao
Tonga ilay malalany, tonga ilay malalanao

Tarika Rebika (Album Vol. III, Tanora milalao)
--------