Tsy maintsy mandeha (Ramboatiana Etienne)

Fiverenana:

Kanefa tsy maintsy mandeha na tiana na tsy tiana
Na ho fifaliana o, na ho fahoriana e e e
Lalana tsy maintsy izorana
Ny manaiky ihany no atao

Maneno lakolosy fidirana an-tsekoly
Vita hatreo vakansy fialamboly
Hitako kivy izato zandriko izany
Mifendrofendro mitomany

Mpiasam-panjakana voatendry handeha
Amin’ny toerana lavitra be
Manjoretra kivy ny namako izany
Jereo fa malahelo mafy ery

Tanora roa no mihevitra fa hoe tsara
Manandrana mihinana voankazo voarara
Tsy nampoiziny fa nataony vazivazy
Ilay boay mitady handà ny mariazy

Ny zavatra eto an-tany dia misy fetra
Torak’izany ny olona rehetra
Samy mbola te-ho velona hatrany
Malahelo ny handao ny tany
--------