INY LANITRA MANGA (Ny Ainga)

INY LANITRA MANGA

Iny lanitra manga tomaratra iny ry Tompo
No hery manentana ny hafaliako
Iny lanitra manga mamiratra iny ry Jesoa
No fanantenako eny an-dalana eny
Na eo ireo tafiotra afafin’izay tsy tia
Ny ahy ny finoako tsy misy tahotra
Iny lanitra manga ao ambadik’io rahona io
Tsy maintsy ajoroko an-kasahiana

1-Teny an-dalana eny aho ry Tompo
Nahita ory tsy misy mpiahy
Endre zato maso mipitrapitra
Mananty ambim-bava eny an-jorony eny
Zaza madinika ilaozan-dreny
Niangaran’ny vintana hanirery ô
Fa nahoana re ?
Tsy ray tsy reny fa zaza manjeny
Fa osa sy bado tsy manan-kamonjy ô
Ireo re ny zandrinao ry Jesoa
(Zandrinao izy ireny)
Ka iza no ilainy? Iza?Iza?
Izaho re ry Tompo tsitoha ô
Fa ny foko tsy ahazaka hijery an’ireo
Fa efa voadoron’ny teninao

2-Teny an-dalana eny aho ry Tompo
Mandre ny tanànako toa ho lao
Fa riso sy halatra sy soloky
Firehana diso mambabo fo
Aina vonoina toa ts’isy tody
Fehezin’ny vola hatraiza hatraiza ô
Fa nahoana re
Hare-mitanila mahantra mangina
Fanahy maha-olona no indro ho rava
Ireo re ny zandrinao ô ry Jesoa
(Zandrinao izy ireny)
Ka iza no ilainy? Iza?Iza?
Izaho re ry Tompo tsitoha ô
Fa ny foko tsy ahazaka hijery an’io
Fa efa nisotro ny aleoko ho maty

“Ho fahatsiarovako manokana an’I Lanto”
Mpankafy Ny Ainga sy mpankafy io hira io
1 mai 1972 - 04 décembre 1996
--------