Zoky (Njakatiana)

(Nalaina tao amin'ny tononkira.serasera.org)
O Zoky o
Raha toa ka hanabe
Hanoro sy hanitsy
Fahalalana anie
Tsy ho an’olom-bitsy e
Toroy fahendrena
Tsy hirotoroto
Ka hitondra tena
Tsy ho jiolahim-boto

Zokinay, Zokinay
Ianao fitaratra ho anay
Zokinay zokinay
Andry sady tokinay

Raha toa ka hikabary
Na koa hampanantena
Asa lavorary
Takian’ny firenena
Fitiavan-tena loatra
Aoka re hialana
Satria tsy mampivoatra
Mitondra fahantrana

Zokinay, Zokinay
Ianao fitaratra ho anay
Zokinay zokinay
Andry sady tokinay

Raha toa hitory teny
Hitondra teny soa
Katsaho ombieny ombieny
Izay hampiova fo o
Ny fihevitray anao
Dia Zoky ara-panahy
Ny toetranao izao
Mba tsy hampiahiahy

Zokinay, Zokinay
Ianao fitaratra ho anay
Zokinay zokinay
Andry sady tokinay

Raha toa ianao hihira
Hampita ny hafatrao e
Mba tsy haniratsira
Izay tsara no hatao
Ny vetsovetsonao
Ezaho mba tsy hivoana
Ka aza atao fanao
Ny miteniteny foana

O ry Zoky e manantena izahay
Zokibe o mba hanavotra anay
O ry Zoky e manantena izahay
Zokibe o

Zokinay, Zokinay
Ianao fitaratra ho anay
Zokinay zokinay
Andry sady tokinay
--------
Rohy:
Hametraka hevitra
Midira aloha
Momba ny hira
Mpihira : Njakatiana
Vangy : 6651
Mpankafy : 0 Ankafizo
Nampiditra :
Daty : 24/10/2001 06:10
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.087