Miandry ny andro (Ndrina Zopanage)

(Nalaina tao amin'ny tononkira.serasera.org)
Injay ety an'habakabaka
Fa manetoka ny foko
Vao nandao anao malalako
Ka ny tontolo miova loko

Rahom-potsy mitambolona
Lanitra manga mitatao
No isidinan'ity vorona
Mitondra ahy lavitra anao

Veloma, malahelo ny fandaozana
Lavitra anao

Nosy maro anivon-drano
Toa manakora anay ety ambony
Tsy mba tsapany fa androany
Ny foko tsy mba mety ho tony

Dia io lay tanànako eny
Tazako efa miandry ahy
Ny saiko sisa no manjehy
Andro hihaonantsika indray

Veloma, malahelo ny fandaozana
Lavitra anao.


R_N 2013
--------
Rohy:
Hametraka hevitra
Midira aloha
Momba ny hira
Mpihira : Ndrina Zopanage
Vangy : 2578
Mpankafy : 1 Ankafizo
Nampiditra : ikalamako
Daty : 11/09/2016 12:39
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0124