Tiako fa manja (Jaky)

(Nalaina tao amin'ny tononkira.serasera.org)
Na fotsy, na zarazara,
na manga na ngalingaly,
Viavin’i Gasikara,
maro tsara valy !
An-tampon-tanàna,
eny ambanivolo
Izay jerena manadala,
manja be daholo.
Miakanjo lamba zandiana,
misikina lamba oany
Na inona fitafiany,
manendrika azy hatrany.
Itsy mamaha volo,
Izatsy tsara taly,
Reh’fa samy voakolokolo,
manja jiaby valy !
Na mitsiky malefaka, na manao farahehy
Ireo endrika meva zalahy feno hatsaran- tarehy !
Tazano sy diniho tsara, tsy an-trano tsy an-kianja,
Viavin’ity Gasikara, tsy mba lany manja !
Tiako fa manja ô!
(Tsara ka tsara ka tsara be!)
Na amorontsiraka,
Na afovoantany,
Dia samy mamirapiratra,
kanto aok’izany ;
Tsipy sandry sy dihy soroka,
malesa sy ny salegy
Basesa mitapôlapôlaka,
samy mampandrevy.
Ny tongotra toa mijoro,
jereo ’zato andilana
Mihararetra toa zozoro,
Mihilangilana.
Mody tsy mijery,
Nony dila, manara-maso,
Toa manao fangalam-piery,
Te-hatao hoe : " andraso ! ".
Na mitsiky malefaka, na manao farahehy
Ireo endrika meva zalahy feno hatsaran-tarehy !
Tazano sy diniho tsara, tsy an-trano tsy an-kianja,
Ny viavin’ity Gasikara, tsy mba lany manja !
Tiako fa manja ô! !
--------
Rohy:
Hametraka hevitra
Midira aloha
Momba ny hira
Mpihira : Jaky
Vangy : 2217
Mpankafy : 0 Ankafizo
Nampiditra : Hasimbola
Daty : 22/04/2003 11:19
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.8918