Hafatra (Andy's Son)

O! ry rahona misosa mora, mandany fotoana sy ora
Etsy ianao hafarako ihany, fa sao ianao mba tonga any
Manirery aho ka mitoloko, mifendrofendro izany foko
Izao no teny ataoko anao, tandremo anie hadinonao

Ref : izy hono hoe ka tia anao, satriny foana e! eo anilanao
izy hono hoe ka tsy manadino ireo dina izay natao

O! ry rano kely mikoriana anaty bozaka mangina
Andeha re mba hilazao ilay olona iny sao hitanao
Mivetsovetso aho manembona, fitiavako e! tsy mety lany
Zao hirako izao kaloinao,hafaro azy ka tantarao

O! ry volana etsy ambony toa miran-dava sady tony
Ianao izay mahita azy, mahatazana koa ny misy azy
Raha toa re ka tsisy tsiny, ampatsiahivo azy ny fahiny
Raha toa re ka sitrakao, izao no hafatro ampitao
--------
Rohy: https://tononkira.serasera.org/hira/andys-son/hafatra-3
Hametraka hevitra
Midira aloha
Momba ny hira
Mpihira : Andy's Son
Vangy : 3598
Mpankafy : 0 Ankafizo
Nampiditra : harymbola
Daty : 30/08/2017 14:05
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0651