fantatro ilay Inoako (ANDRIAMITANDRINA Fenosoa)

01. Haleloia! Asandratro ny fiderana
Ho Anao Ry Jeso Kristy Tompo,
Heniky ny fahasoavanao
‘Ty mpanompo nofinidinao,
Nahatratr’izao fotoan-jobily izao
Velona tokoa ny finoako Anao.

Ref: Ka tsy menatr’aho,
Satria fantatro Ilay inoako,
Dia Jesoa, Ilay Mpamonjy ahy,
Ilay niantso sy naniraka ahy,
Ho vavolombelon’ny fitiavany
Hatramin’ny farany.

02. Haleloia! Isaorako ny Anaranao
Ry Jeso Mpamonjiko be fitia
Na malemy aza ‘ty mpanompo
Nahatanteraka ny fanompoako
Ny fanahy nomenao no nampahery,
Ny finoako Anao tsy nisy very.


03. Tompo ô! Izaho raha mbola velon’aina
Dia hitana mafy ny finoako,
Ka na faly aho na tomany
Mino aho f’Ianao eo ihany;
Hiara-dalana amiko hatrany hatrany
Mandra-pialako ety an-tany.
--------